Ընկերության կառավարումը
Ընկերության կառավարումը

«Արաբկիր» ԲՀ-ԵԴԱԻ  կառավարման մարմիններն են ընկերության մասնակիցների ընդհանուր ժողովը, կառավարման խորհուրդն ու գործադիր մարմինը` տնօրենը


Մասնակիցների ընդհանուր ժողովը կառավարման բարձրագույն մարմինն է և ունի ընկերության գործունեության ցանկացած հարցի վերջնական լուծման իրավունք: 


Կառավարման խորհուրդն իրականացնում է ընկերության ընդհանուր կառավարումը` բացառությամբ այն հարցերի, որոնք կանոնադրությամբ վերապահված են ժողովի բացառիկ իրավասությանը: Խորհուրդն ունի 5 անդմամ, որոնք ընտրվում են մասնակիցների ընդհանուր ժողովում, ձայների մեծամասնությամբ 5 տարի ժամկետով: Կառավարման խորհուրդն ընդունում է ներքին իրավական ակտեր, որոշումներ և այլն: «Արաբկիր» ԲՀ-ԵԴԱԻ կառավարման խորհրդի նախագահն ու գիտական ղեկավարը  Արա Սայենի Բաբլոյանն է` մանկական վիրաբույժ-ուրոլոգ, բժշկական գիտությունների դոկտոր, պրոֆեսոր:


Ընկերության տնօրենն իրականացնում է Ընկերության ընթացիկ գործունեության ղեկավարումը: Տնօրենը հաշվետու է ընդհանուր ժողովին և կառավարման խորհրդին: «Արաբկիր» ԲՀ-ԵԴԱԻ տնօրենը Արման Արայի Բաբլոյանն է` ստոմատոլոգ, առողջապահության կազմակերպիչ: 

Կիսվել Facebook-ում
Առողջության մասին
Երևան-Մինսկ. լյարդի փոխպատվաստում
«Արաբկիր» բժշկական համալիրում երեկ երեխայի լյարդի փոխպատվաստման 4-րդ վիրահատությունն է իրականացվել՝ մեր թիմի ու բելառուս գործընկերների համատեղ ջանքերով:   Բժիշկները խուսափում են վաղ խոսել նման բարդ վիրահատությունների արդյունքների մասին, քանի որ, ինչպես իրենք են ասում՝ վիրահատությունը գործի մի կեսն է միայն եւ չափազանց կարեւոր է նաեւ հետվիրահատական փուլը: Պրոֆեսոր Ռումմոյի այս պահի գնահատմամբ՝ նման բարդ վիրահատություններին բնորոշ բոլոր դժվարություններով հանդերձ՝ զուտ վիրահատական մասն անցել է հաջող եւ առաջին օրվա տվյալները թույլ են տալիս զգուշավոր լավատեսությամբ ասել, որ ամեն ինչ լավ կլինի:   «Արաբկիր» բժշկական համալիրը շնորհակալություն է հայտնում փոխպատվաստման ամբողջ թիմին, ГУ "Минский НПЦ хирургии, трансплантологии и гематологии"-ի եւ Հայաստանի երեխաների առողջության հիմնադրամ - HFC Armenia-ի մեր սիրելի գործընկերներին, հիմնադրամի սրտացավ աջակիցներին, ՀՀ առողջապահության նախարարություն-ը, Արցախի Հանրապետության Առողջապահության Նախարարություն/MOH of Artsakh Rep.-ը՝ նվիրական ջանքերը համատեղելու եւ արցախցի փոքրիկին այս անասելի մեծ օգնությունը ցուցաբերելու համար:    #livertransplant #ArabkirMC #MinskScientificPracticalCenterforSurgeryTransplantionandHematology #լյարդիփոխպատվաստում #ԱրաբկիրԲՀ
Խոսքի զարգացման կենտրոնից` դպրոց
«Արաբկիր» բժշկական համալիրի մանկական սուրդոկենտրոնին կից գործող խոսքի զարգացման կենտրոնի սաներն են: Տարեվերջյան հանդեսին ներկայացնում են իրենց սովորածը` երգել, պարել, արտասանել: Նրանց լսելու են եկել լսողական սարքեր տրամադրող «Հովարդ Ղարագյոզյան» հիմնադրամի ներկայացուցիչները, սուրդոկենտրոնի ղեկավար Թամարա Մանուկյանն ու ծնողները:    Կենտրոնում գործող սուրդոմանկավարժական 4 խմբում ընդգրկված է 40 երեխա, որոնք այստեղ են գալիս շաբաթական 4 օր` երկու անհատական եւ երկու երաժշտական-խմբակային պարապմունքի:   Լսողական խնդրով երեխաների խոսքի զարգացումը, հատկապես լսողության մեծ կորուստների դեպքում, բարդ, ժամանակատար ու նվիրում պահանջող գործ է: Մեր մասնագիտական թիմին հաջողվում է անել դա, ինչի վկայությունն այս պայծառ փոքրիկների խոսքն է, որով նրանք հանրակրթական դպրոցներ են գնում եւ սովորում տարեկիցների հետ: Այս տարի կենտրոնը դպրոց է ճանապարհում սաներից 12-ին:    Շնորհավոր, սիրելի փոքրիկներ, բարի ընթացք ձեզ դպրոցում եւ ամենուր: