Մաշկաբանական խնդիրների հայտնաբերման համար մեր ծառայությունն իրականացնում է հետևյալ հետազոտությունները.
Մաշկից քերուկի և քսուքի նմուշառում, որի օգնությամբ բացահայտվում է հիվանդության վարակային բնույթը՝ հայտնաբերվում են ախտածին մանրէներ կամ սնկեր
Դերմատոսկոպիա, այլ կերպ` էպիլյումինեսցենտ միկրոսկոպիա, որը ոչ ինվազիվ ախտորոշման մեթոդ է եւ որի օգնությամբ հնարավոր է տեսնել մաշկի ախտահարման այնպիսի կառուցվածքային փոփոխություններ, որոնք տեսանելի չեն անզեն աչքով: Այն կատարվում է հատուկ գործիքի՝ դերմատոսկոպի միջոցով: Հիմնական ցուցում են հանդիսանում պիգմենտային գոյացությունները, հատկապես մեծ նշանակություն ունի մաշկի չարորակ քաղցկեղի՝ մելանոմայի վաղ ախտորոշման համար: Սակայն դերմատոսկոպիան կարելի է կիրառել նաև մաշկային այլ հիվանդությունների՝ մաշկի բարորակ գոյացությունների, չարորակ, ոչ մելանոմային քաղցկեղի, տարբեր բորբոքային հիվանդությունների, անոթային գոյացությունների ախտորոշման դեպքում: