Նյարդաբանական ծառայություն

«Արաբկիր» բժշկական համալիրում գործում է նյարդաբանական ամբուլատոր ծառայություն մեծահասակների համար։

Նյարդաբանին կարող են դիմել հետևյալ գանգատների և ախտորոշումների դեպքում՝

գլխացավեր,
դիմային ցավեր,
ողնաշարի ցավեր,
թուլություն և թմրածություն վերջույթներում,
քայլվածքի և հավասարակշռության խանգարում,
գլխապտույտներ,
գիտակցության կորստի նոպաներ,
էպիլեպսիա,
հիշողության խանգարումներ,
շարժողական խանգարումներ (Պարկինսոնի հիվանդություն, դող, դիստոնիա),
քնի խանգարումներ,
գլխուղեղի կաթված (կանխարգելում և կաթված տարած բուժառուների վերահսկողություն)։

Նյարդաբանական ծառայությունը մեր բուժառուներին առաջարկում է բժշկական որակյալ օգնություն՝ հիմնված միջազգայնորեն ընդունված գործելակարգերի վրա։

Ծառայությունը սպասարկում է նաև «Արաբկիր» բժշկական համալիրում գործող մանկական էպիլեպտոլոգիական դիսպանսերի բուժառուներին, որոնց 18 տարեկանը լրացել է: Նրանք կարող են շարունակել հիվանդության վերահսկողությունը մեծահասակների նյարդաբանի մոտ:

Լուսինե Վարդանյանը նյարդաբան է, կլինիկական նեյրոֆիզիոլոգ, վարում է էպիլեպսիա ախտորոշմամբ չափահաս բուժառուների բուժման ընթացքը, մեկնաբանում է ԷԷԳ հետազոտությունները։