Աուտիզմի օրը
02 ապրիլ 2022

Այսօր ապրիլի 2-ն է՝ Աուտիզմի մասին իրազեկման համաշխարհային օրը: Կարգախոսը՝ համապարփակ եւ արդար որակյալ կրթության ապահովում բոլորի համար:

Կովիդ-19-ի համաճարակը վերջին տարիներին կրթական խնդիրների առջեւ է կանգնեցրել աշխարհի սովորողների 90 տոկոսին, նրանց մեջ եւ մարդկանց, որոնք կրթութան առանձնահատուկ պայմանների կարիք ունեն եւ մինչ այդ էլ գիտեին կրթության եւ կրթական իրենց իրավունքի արժեքը: Այսօրվա միջոցառումների ջանքերն ուղղված են լինելու հենց այս խնդրին՝ փորձելով նպաստել դրա լուծմանը՝ աուտիզմի մասին իրազեկման եւ քննարկումների ճանապարհով:

«Արաբկիր» բժշկական համալիրը՝ «ԱրԲեՍ» առողջության կենտրոնով եւ մարզային մասնաճյուղերով, աուտիզմի հիմնահարցերով զբաղվող առաջատար, հիմնադիր ընկերությունն է Հայաստանում: Բազմամասնագիտական մեր թիմը բացի խնդրի հայտնաբերումից եւ հաստատումից իրականացնում է նաեւ դրա շտկմանն ուղղված վաղ միջամտություններ, որոնք մեծապես նպաստում են երեխայի ներառմանն ու կրթական, սոցիալական, աշխատանքային իրավունքների հետագա իրացմանը:

Կիսվել Facebook-ում
Վերջին նորություններ
ԷԷԳ նոր սարք Արցախին
«Արաբկիր» միացյալ մանկական բարեգործական հիմնադրամը Ցյուրիխի համալսարանական մանկական հիվանդանոցի եւ Հայ օգնության ֆոնդի աջակցությամբ Արցախի «Արեւիկ» բուժմիավորմանը վիդեո-էլեկտրոէնցեֆալոգրաֆիայի նոր սարք է նվիրել:   Տեխնիկական բնութագրիչներով այն լավագույններից մեկն է համարվում որոլտում: Սարքը հնարավորություն կտա կատարել կարճատեւ եւ երկարատեւ վիդեո-էէգ հետազոտություններ` նպաստելով էպիլեպիսիայի հայտնաբերմանն ու ախտորոշված դեպքերի վարմանը:   Սարքի գործարկման առիթով Արցախում էին «Արաբկիր» ԲՀ-ի նյարդաբանները: Ծառայության ղեկավար Բիայնա Սուխուդյանը, որը նաեւ Արցախի Առողջապահության նապարարության խորհրդատուն է` նյարդաբանական գծով, կարգավորել եւ առաջին հետազոտություններն է արել` գործնական խորհուրդներ տալով տեղի մասնագետներին: Սարքը սպասարկող տեխնիկը մինչ այդ եւս վերապատրաստվել էր «Արաբկիրում»: