Հունիսի 1-ն է, մեր անգինների տոնը՝ երեխաների իրավունքների պաշտպանության օրը   Օրվա մեր ֆոտոշարքի հերոսներն այս անգամ փոքրիկ «Արաբկիրցիներն» են՝ իրենց բժիշկ մայրիկների ու հայրիկների հետ: Նրանք, որ անտրտունջ սպասում են, մինչև տուն դառնան շատ այլ երեխաների բժշկող, ապաքինող, կյանքը փրկող իրենց ծնողները:   Շնորհավոր, շողշողուն գանձեր: Առողջ և խաղաղ մանկություն ձեզ ու բոլորին:  

«Ալերգոլոգիա, իմունոլոգիա» սիմպոզիումի, ալերգոլոգիայի ժամանակակից ձեռքբերումների և դրանց` Հայաստանում հասանելիության մասին Հանրային հեռուստաընկերության «Առավոտ լուսո» հաղորդման տաղավարում, «Արաբկիր» բժշկական համալիրի Շնչառական բժշկության, ալերգոլոգիայի և իմունոլոգիայի ծառայության ղեկավար Աստղիկ Բաղդասարյանի հետ:   https://www.facebook.com/ArabkirJMC/videos/446841641617888

  «Արաբկիր» Բժշկական Համալիր Երեխաների Դեռահասների Առողջության Ինստիտուտն աշխատանքի է հրավիրում մշտական հիմունքներով, հերթափոխային և ցերեկային աշխատանքային գրաֆիկով բուժքույրերի: Անհրաժեշտ է ունենալ միջին մասնագիտական կրթություն` «Բուժքույրական գործ» որակավորմամբ: Պարտականություններ կատարել բուժող բժիշկների նշանակումները` ճշգրիտ, լիարժեք, որակով և ժամանակին, ժամանակին կատարել լաբորատոր/գործիքային հետազոտությունները և հետևել դրանց արդյունքների ստացմանը, իրականացնել պացիենտների բուժական խնամք, բուժական-ախտորոշիչ և կանխարգելիչ միջամտություններ` ըստ բժշկի նշանակման: Առավելություններ ժամանակակից սարքավորումներով, բարձրորակ նյութերով և պարագաներով աշխատելու հնարավորություն, բժիշկների պրոֆեսիոնալ թիմում աշխատելու անգնահատելի փորձ, կանոնավոր մասնագիտական զարգացում: Փորձաշրջան փորձաշրջան անցնում են մեր թիմին միացող բոլոր աշխատակիցները, փորձաշրջանն օգնում է ծանոթանալ ընկերության ներքին կանոնակարգերին, ձեռք բերել մասնագիտական պրակտիկ և տեսական հմտություններ, ծանոթանալ աշխատանքների կատարմանը։ Հետաքրքրված անձանց կենսագրականներն ընդունվում են [email protected] էլ. հասցեին ուղարկված նամակներով, որոնց վերնագրում նշված է «Բուժքրոջ աշխատանք»:

Այսօր մեր բոլորի և յուրաքանչյուրիս սիրելի Ազնավուրի ծննդյան 100-րդ տարեդարձն է, ցավոք, արդեն 6-րդը` առանց նրա:   Չկան բառեր, որ կկարողանան արտահայտել Շառլ-մեծության նկատմամբ ունեցած մեր սերն ու ակնածանքը: Այսօր ամենուրեք Ազնավուր է հնչում, երևում, թևածում: «Ազնավուր» անունով կարոտ է օդում:   2006թ-ին Շառլ Ազնավուրին հյուրընկալելու պատիվ է ունեցել նաև «Արաբկիր» բժշկական համալիրի թիմը: Պրոֆեսոր Արա Բաբլոյանի հրավերով աշխարհահռչակ շանսոնիեն «Արաբկիրում» էր` այնտեղ, որտեղ հազարավոր երեխաների կյանքեր են փրկվում` ամենօրյա խոնարհ նվիրումով: Բժշկական համալիրի քիթ-կոկորդ-ականջաբանական բաժանմունքի վիրահատարանն այդ տարիներին նորոգվել էր «Ազնավուրը Հայաստանին» բարեգործական կազմակերպության հովանավորությամբ: նորհակալ ենք:

ՈՒշադրություն, հարգելի գործընկերներ,   մայիսի 31-ին և հունիսի 1-ին անց է կացվելու Մանկական բժիշկների հայկական ասոցիացիայի ամենամյա «Մանկաբուժական դպրոցը»` «Արաբկիր» ԲՀ-ԵԴԱԻ կոնֆերանսների դահլիճում։   Դպրոցի պատվավոր հյուրն է լինելու պրոֆեսոր Քրիստիան Բրեգերը` Ցյուրիխի համալսարանական մանկական հիվանդանոցից: Ներկայացվելու են թեմաներ մանկական գաստրոէնտերոլոգիայից, թոքաբանությունից, նյարդաբանությունից, ռևմատոլոգիայից, իմունոլոգիայից և այլն:   Ծրագիրը հաստատել է ՀՀ Առողջապահության նախարարությունը: Դասախոսությունների 2 օրերին էլ մասնակցած բժիշկները ստանալու են համապատասխան ՇՄԶ կրեդիտներով վկայականներ։   Մասնակցության համար խնդրում ենք գրանցվել նախապես` մինչև մայիսի 27-ը նամակ ուղարկելով [email protected] մեյլին և նշելով անուն-ազգանունը, մասնագիտությունը, աշխատանքի վայրը, պաշտոնը, կոնտակտային տվյալները։

Կայացավ «Ալերգոլոգիա և իմունոլոգիա» Հայաստանի միջազգային սիմպոզիումը` «Արաբկիր» բժշկական համալիրի, Մասնագիտական զարգացման միջազգային կենտրոնի (ICPD) և Լոս Անջելեսի մանկական հիվանդանոցի (CHLA) համատեղ ջանքերով` Առողջապահության նախարարության, Հայաստանում գործող ոլորտային մասնագիտական ասոցիացիաների հետ համագործակցությամբ:   Սիմպոզիումն իրականացվել է հիբրիդային ձևաչափով` օնլայն և օֆլայն հարթակներով համախմբելով տարեբր մասնագետների` ալերգոլոգների, իմունոլոգների, ընտանեկան բժիշկների և թերապևտների, մանկաբույժների, վարակաբանների, մաշկաբանների, թոքաբանների, անեսթեզիոլոգների և ինտենսիվ թերապիայի մասնագետների: Մասնագիտական այսպիսի բազմազանությունն այս ոլորտի համագործակցային բնույթի մասին է խոսում: Ելույթներով հանդես են եկել մասնագետներ Հայաստանից, ԱՄՆ-ի և Եվրոպայի համաշխարհային ճանաչում ունեցող հիվանդանոցներից և համալսարաններից: Համաժողովի պատվավոր հյուրերն էին Սյուզան Հալկեն` Հարավային Դանիայի համալսարանի մանկաբուժության գիտահետազոտական բաժնի մանկական ալերգոլոգիայի կլինիկական պրոֆեսոր, Ֆիլիպ Այգենմանը` Ժնևի համալսարանական հիվանդանոցի մանկական ալերգոլոգիայի պաժանմունքի պրոֆեսոր, Անա Մարգարիդա Նեվեսը` Լիսաբոնի համալսարանի բժշկական ֆակուլտետի մանկաբուժության դոցենտ և մանկաբուժության ամբիոնի մանկական ալերգոլոգիայի բաժնի համակարգող:   Սիմպոզիումը նախագահել է Րաֆֆի Թաշչյանը` բ.գ.թ., հանրային առողջապահության մագիստրոս, Կալիֆորնիայի համալսարանի (UCLA) Դեյվիդ Գեֆենի բժշկական դպրոցի ալերգոլոգիայի և կլինիկական իմունոլոգիայի ամբիոնի դոցենտ: Համանախագահներն են եղել Ֆիլիպ Այգենմանը` Ժնևի համալսարանական մանկական հիվանդանոցից և Աստղիկ Բաղդասարյանը` «Արաբկիր» ԲՀ-ԵԴԱԻ-ից:

«Արմենիա» հեռուստաընկերության «Ժամը» լրատվականի անդրադարձը վնասվածքաբան-օրթոպեդների համաշխարհային օրվան՝ «Արաբկիր» ԲՀ-ԵԴԱԻ Օրթոպեդիայի և վնասվածքաբանության բաժանմունքի ղեկավար Վահե Յավրյանի հետ տեսանյութով:

Այսօր վնասվածքաբան-օրթոպեդների համաշխարհային օրն է: Առիթ` մեկ անգամ ևս խոսելու հնագույն և կարևորագույն բժշկական այս մասնագիտության, այն կրողների նվիրումի մասին, ասելու նրանց` շնորհակալություն` հենաշարժողական համակարգի ամենատարբեր խնդիրների լուծման, մեր կյանքի որակը վերականգնելու, պահպանելու և բարելավելու համար:   Շնորհավորում ենք, սիրելի բժիշկներ: Առողջ եղեք ու երջանիկ` Ձեր թանկերի հետ:   «Արաբկիր» բժշկական համալիրի Օրթոպեդիայի և վնասվածաբանության բաժանմունքի մասին` հղումով:

Երեխաների մաշկի առողջության մասին լսեք ՅՈՒՆԻՍԵՖ-ի, ՀՀ ԱՆ-ի և Հանրային հեռուստաընկերության համատեղ «Ծնողական ժողով» հաղորդաշարի եթերում` «Արաբկիր» բժշկական համալիրի մաշկաբաններ Տաթևիկ Հարությունյանի և Արմինե Ադիլխանյանի մեկնաբանությամբ:   

Միզուղիների ինֆեկցիաների մասին OPEN Family Education-ի հարթակից լսեք «Արաբկիր» բժշկական համալիրի երիտասարդ մանկական նեֆրոլոգներից Դիանա Ոսկանյանի ներկայացմամբ:

Շնորհավորում ենք ձեր մասնագիտական տոնը, սիրելի բուժքույրեր,   ձեր ամենօրյա աշխատանքը` նվիրված, մարդասեր, հոգատար ու բանիմաց, առաքելություն է: Բարի ընթացք ենք մաղթում և ասում շնորհակալություն: Առողջ եղեք ու երջանիկ` ձեր ընտանիքների ու սիրելիների հետ, խաղաղության մեջ շարունակեք ձեր առաքելությունը` հանուն մեր փոքր ու մեծ պացիենտների:

Սիրելի բժիշկներ, դեռևս կարող եք գրանցվել «Ալերգոլոգիա և իմունոլոգիա» Հայաստանի միջազգային հիբրիդային սիմպոզիումին մասնակցելու համար: Մանրամասները` հղումով:   https://www.facebook.com/photo/?fbid=937272848184012&set=a.575939314317369

Ասթմայի համաշխարհային օրվա առիթով լսեք Արաբկիր բժշկական համալիրի Շնչառական բժշկության և ալերգոլոգիայի ծառայության բժիշկներից Աղավնի Սաֆարյանի խորհուրդները` OPEN Family Education հարթակով։ https://www.facebook.com/reel/1111645363421558

«Ինձ համար կա մի համոզմունք. եթե մենք ուզում ենք լավ պետություն ունենալ, մենք պետք է ունենանք անվտանգություն, կրթված և առողջ հասարակություն: Կրթված, առողջ հասարակությունը անվտանգ երկրում կստեղծի ամենամեծ բարիքները». Արա Բաբլոյան, «Հանդիպում առաջինում»  

Բարի տարեդարձ, սիրելի Արա Սայենի   Առողջություն, խաղաղություն և հաջողություն ենք մաղթում։ Բարի ընթացք Ձեր բոլոր նախաձեռնություններին` ի շահ մեր երկրի և մեր մեծ ընտանիքի` «Արաբկիր» բժշկական համալիրի փոքր ու մեծ պացիենտների, նրանց ընտանիքների առողջության և բարօրության։ Ձեր նվիրումն անգնահատելի է։ Շնորհակալ ենք։ 

Շարունակում ենք ներկայացնել Արաբկիր բժշկական համալիրի բժիշկների խորհուրդները ծնողներին` OPEN Family Education հարթակում: Այս անգամ լսեք մանկաբույժ Սինամ Պապյանին` գրիպի վիրուսի մասին: https://www.facebook.com/reel/878991964058631

Ոչ պակաս վարպետորեն բեմում՝ ջութակով, որքան վիրահատարանում՝ նշտարով    Վայելեք Կոմիտաս՝ սիրելի վիրաբույժ, «Արաբկիր» բժշկական համալիրի ուրո-վիրաբուժական բաժանմունքի վարիչ Պողոս Ավետիսի Գեյիկյանի և նրա գեղեցկուհի տիկնոջ՝ դաշնակահարուհի, Կոմիտասի անվան պետական կոնսերվատորիայի և Բաբաջանյանի անվան երաժշտամանկավարժական քոլեջի դասախոս Նարինե Ենգիբարյանի հրաշալի կատրամամբ: Միջոցառումը նախաձեռնել էր Դիլիջանի միջազգային դպրոցի կիպրացի աշակերտուհի, 16-ամյա Անտոնիա Մարիա Զոնիայի ընտանիքը՝ Հայոց Մեծ Եղեռնի տարելիցի առիթով ցուցադրելու աղջկա լուսանկարները՝ Կիպրոսի հայկական մշակութային և հոգևոր ժառանգության թեմայով: Իմանալով իրենց հայրենակցուհի, մանկական վիրաբույժ, պրոֆեսոր, հասարակական գործիչ Էլենի Թեոխարուսի՝ «Արաբկիր» ԲՀ-ի, մասնավորապես, Պողոս Գեյիկյանի և պրոֆեսոր Արա Բաբլոյանի հետ ունեցած ջերմ գործընկերային-բարեկամական հարաբերությունների մասին, աղջկա ընտանիքը խնդրել է բժիշկ Գեյիկյանին՝ աջակցելու միջոցառման կազմակերպչական և գեղարվեստական մասին: Եվ ահա, ապրիլի 21-ին Կամերային երաժշտության տուն եկած հանդիսատեսը առիթ ունեցավ ունկնդրելու Կոմիտաս, Բաբաջանյան, Միրզոյան, Բաղդասարյան, նաև կիպրական ավանդական երաժշտություն՝ Պողոս Գեյիկյանի, Նարինե Ենգիբարյանի, Օպերայի և բալետի ազգային ակադեմիական թատրոնի նվագախմբի թավջութակահար Գառնիկ Ենգիբարյանի և բժշկական համալսարանի 2-րդ կուրսի ուսանողուհի-ջութակահարուհի Ինեսսա Պետրոսյանի կատարմամբ:   https://www.facebook.com/ArabkirJMC/posts/pfbid027jzH5RwrehNihkstQjnLKBPk1YdHkT8DNy65w6AdyDXUTPojGVWogw3qawbebicFl

Արա Բաբլոյանի և Վահրամ Կարապետյանի նախաձեռնությամբ ստեղծվում է Մանկական վերականգնողական կենտրոն՝ Մեղրիի բժշկական կենտրոնի կազմում։ Արդեն ամիսներ շարունակ իրականացվում են կազմակերպչական աշխատանքներ, վերանորոգում, կահավորում և միաժամանակ՝ կրթական ծրագրեր անձնակազմի համար։   Վահրամ Կարապետյանն ու Արա Բաբլոյանն այցելել են կենտրոն՝ տեսնելու ընթացիկ աշխատանքներն ու ուրախությամբ արձանագրել, որ ամեն ինչ իրականացվում է որակով և պատշաճ մակարդակով։   Որոշակի ժամանակահատված պիլոտային ծրագրով աշխատելուց հետո Կենտրոնը կդիմի Առողջապահության նախարարություն՝ լիցենզավորվելու, հետագայում նաև՝ պետպատվերի հնարավորություն ստանալու համար։  

Մաշկի առողջությունը կարևոր է Եթե ձեր փոքրիկի մաշկին, մազերին, եղունգներին, ինչպես նաև լորձաթաղանթներին, արտասովոր երևույթներ եք նկատում` ցան, բշտիկներ, չորություն, թեփոտում, գույնի կամ ձևի փոփոխություն, մազաթափություն և այլն, անպայման դիմեք մանկական մաշկաբանի: «Արաբկիր» բժշկական համալիրի մաշկաբանները պատրաստ են օգնել մաշկային ցանկացած խնդրի դեպքում: Երևան Մամիկոնյանց 30 015 400 300 և ներքին` 12 16 https://arabkirmc.am/hy/services/127

Անցած շաբաթ «Արաբկիր» բժշկական համալիրում էր Քեմբրիջի համալսարանական հիվանդանոցի քիթ-կոկորդ-ականջաբանության, պարանոցի և գլխի վիրաբուժության գծով խորհրդատու, վիրաբույժ, պրոֆեսոր Պիյուշ Ջանին: Ճանաչված պրոֆեսորը հանդես է եկել դասախոսությամբ` քիթ-կոկորդ-ականջաբանական պրակտիկայում ուռուցքային խնդիրների վերաբերյալ, ապա «Արաբկիրի» գործընկերների հետ քննարկել կլինիկական մի քանի դեպք և տվել խորհորդներ` ելնելով իր ակտիվ պրակտիկայից: Այցի վերջում Պիյուշ Ջանին հանդիպել է բժշկական համալիրի գիտական ղեկավար Արա Բաբլոյանի հետ: Պրոֆեսոր Բաբլոյանը շնորհակալություն է հայտնել հարգարժան հյուրին` այցի համար, ներկայացրել եվրոպական, այդ թվում բրիտանական մի շարք կլինիկաների հետ համագործակցության «Արաբկիր» բժշկական համալիրի երկարամյա և արդյունավետ փորձը, նշել, որ ժամանակակից բժշկագիտության ձեռքբերումներով առաջնորդվելն արաբկիրցիների սկզբունքներից է: Պիյուշ Ջանին շնորհակալություն է հայտնել ջերմ ընդունելության համար, նշել, որ ինքն էլ շատ կարևորում է մասնագիտական մշտական զարգացումն ու փորձի փոխանակումը և հաջողություն մաղթել բժշկական համալիրի ողջ թիմին:

Երեխայի լյարդի փոխպատվաստման հերթական վիրահատությունն «Արաբկիր» բժշկական համալիրում բարեհաջող է անցել: Չնայած դեպքը բավական բարդ էր, քանի որ երեխան ուներ ստանդարտից դուրս հավելյալ զարկերակ, այնուամենայնիվ, հայ և բելառուս բժիշկների թիմին հաջողվել է 14 ժամ տևած վիրահատությունից հետո ստանալ լավ արդյունք: 12-ամյա տղան իրեն լավ է զգում, գտնվում է բժիշկների հսկողության ներքո` անցնելով հետվիրահատական խնամքի ոչ պակաս բարդ ճանապարհ` ինտենսիվ թերապիայի բաժանմունքում:   Ալբերտը, նրա ընտանիքն ու բժիշկները մեծ դժվարությունների առջև կկանգնեին, եթե չունենային Հայաստանի երեխաների առողջության հիմնադրամ - HFC Armenia-ի անգնահատելի աջակցությունը: Հիմնադրամը հանդիսանում է երեխաների լյարդի փոխպատվաստման մշտական հովանավորը` հատկացնելով վիրահատության համար անհրաժեշտ 14 մլն դրամ` ի հավելում պետության կողմից տրամադրվող 5մլն դրամ պետպատվերի գումարի: Այս անգամ, ելնելով ընտանիքի կարիքներից, հիմնադրամնն աննախադեպ որոշում է ընդունել` ֆինանսավորել նախավիրահատական թանկարժեք հետազոտությունների և դեղամիջոցների ձեռբերման ծախսերը ևս, որոնց մասին հաշվետվությունները Ալբերտին օգնության ձեռք մեկնած յուրաքանչյուր անհատ կկարողանա գտնել հիմնադրամի ֆեյսբուքյան էջում և կայքում:   Շնորհակալ ենք հիմնադրամին` նման մեծ աջակցության համար: Շնորհակալ ենք լյարդի փոխպատվաստման ամբողջ թիմին` գաստրոէնտերոլոգներ, վիրաբույժներ, այդ թվում` հեպատոբիլիար և ընդհանուր վիրաբույժներ, անոթային միկրովիրաբույժներ, անեսթեզիոլոգներ, ճառագայթային և լաբորատոր ախտորոշման մասնագետներ, իմունոսուպրեսիվ թերապիայի մասնագետներ, տրանսֆուզիոլոգներ, բուժքույրեր, ինժեներներ, տեխնիկներ, մայրապետներ, հերթապահ վարորդներ ու ադմինիստրատիվ աշխատակիցներ: Եվ, իհարկե, շնորհակալ ենք մեր բելառուս գործընկերիներին` ГУ "Минский НПЦ хирургии, трансплантологии и гематологии"֊ից։   Առանց միահամուռ ջանքերի այս ամենն ավելի դժվար կլիներ:    ГУ "Минский НПЦ хирургии, трансплантологии и гематологии" #երեխաներիԼյարդիՓոխպատվաստում #ChildrenLivertransplantation #ТрансплантацияПечениДетям #ԱրաբկիրԲՀ #ArabkirMC #МинскийНПЦЬирургииТрансплатологииГематологии #ՀայաստանիԵրեխաներիԱռողջությանՀիմնադրամ #HFCArmenia

Համագործակցային հերթական այցով «Արաբկիր» բժշկական համալիրում էր Մինսկի Վիրաբուժության, տրանսպլանտոլոգիայի և արյունաբանության գիտա-պրակտիկ կենտրոնի լյարդի փոխպատվաստման թիմը` պրոֆեսոր Օլեգ Ռումոյի գլխավորությամբ:   Հայ և բելառուս բժիշկները համատեղ մասնագիտական քննարկում են անցկացրել լյարդի ախտահարում ունեցող մի խումբ պացիենտների վերաբերյալ, ընդունել նախկինում լյարդի փոխպատվաստման վիրահատություն կրած երեխաներին, գնահատել նրանց ներկա վիճակը: Փոխպատվաստված օրգաններով պացիենտները դիսպանսեր հսկողություն են անցնում բժշկական համալիրի համապատասխան բաժանմունքում:   Բժիշկները մանրամասն քննարկել են նաև փոխպատվաստման նախապատրաստված հերթական պացիենտի հետազոտական տվյալներն ու կատարվելիք վիրահատության նրբությունները: Կոնսիլիումի հաջորդ օրն իրականացվել է 12-ամյա տղայի լյարդի փոխպատվաստում: Որպես դոնոր հանդես է եկել երեխայի մայրը:

Ապրիլի 11-ը Պարկինսոնի հիվանդության համաշխարհային օրն է: Հիմնական նպատակը՝ բարձրացնել մարդկանց տեղեկացվածությունն այս խնդրի, դրա ախտանշանների, ախտորոշման և բուժման ձևերի մասին:   Հիմնականում վերջույթների դողով արտահայտվող այս հիվանդությունը բնորոշ է հատկապես 60 տարեկանին մոտ մարդկանց: Պարկինսոնիզմը վիճակ է, որն ազդում է մարդու կյանքի որակի վրա, և բժշկության արդի մեթոդների միջոցով այդ դողից ազատվելը վերադարձնում է պացիենտին կյանքի սովորական հուն՝ առանց ավելորդ դժվարությունների: News.am-ի տեսանյութը Պարկինսոնիզմի վիրահատական բուժման մասին է, որն արդեն հնարավոր է նաև Հայաստանում, «Արաբկիր» բժշկական համալիրում: Ընդ որում, հիմա արդեն մեր նյարդավիրաբույժներն այդ միջամտությունը կատարում են առանց ընդհանուր անզգայացման, երբ պացիենտն արթուն է և անմիջապես հնարավոր է գնահատել նրա ռեակցիաներն ու միջամտության ընթացքը: #ՊարկինսոնիՀիվանդությանՕր #Պարկինսոնիզմ #ՊարկինսոնիՀիվանդությանԲուժում #ՊարկինսոնիզմիՎիրահատականԲուժում #ԱրաբկիրԲՀ   Պարկինսոնի հիվանդության վիրահատկան բուժում` պացիենտի արթուն վիճակում ՏԵՔՍՏ------62–ամյա կինը, որը Պարկինսոնի հիվանդության պատճառով ուներ ձեռքի և ոտքի անկառավարելի դող և անկանոն շարժումներ, վիրահատությունից հետո հանգիստ քայլում է, և վերջույթներն այլևս չեն դողում։ Ավելի ճիշտ՝ ոտքի դողն անմիջապես անցնում է այն պահից սկսած, երբ բժիշկներին հաջողվում է էլեկտրոդը տեղադրել գլխուղեղի համապատասխան հատվածում , որի անոմալ ակտիվությունն էլ բերում էր ոտքի խնդրին։ ՏԵՔՍՏ------Կինը 9 տարուց ավելի է ունի Պարկինսոնի հիվանդություն։ Վերջին շրջանում հիվանդությունն ավելի էր զարգանում , և դեղորայքային բուժումն այլևս անօգուտ էր։ Առաջարկվեց կատարել գլխուղեղի խորանիստ կորիզների աբլյացիա։ Ստերեոտակտիկ համակարգի օգնությամբ գլխուղեղի խորանիստ հյուսվածքի համապատասխան հատվածում գերճշգրիտ եղանակով տեղադրվեց էլեկտրոդ, այնուհետև կատարվեց նշված կորիզի ստիմուլյացիա, և դողի վերացման ցանկալի արդյունքը տեսնելուց հետո ռադիոհաճախային ազդակներով կատարվեց նշված կենտրոնի աբլյացիա ։ ՍԻՆԽՐՈՆ-----Նիկո Արզումանյան-----Հիվանդը, ինչպես տեսաք վիրահատության ընթացքում արթուն էր, մեր հետ կոնտակտի մեջ էր, վիրահատության ընթացքում մենք վերահսկում էինք նրա համապատասխան ֆունկցիան անմիջապես մեր աբլյացիայի ընթացքում, որը իրենից ենթադրում է նշված կորիզների ռադիոհաճախային կոագուլյացիա։ Մենք տեսնում ենք մեր դրական արդյունքը, և հասկանում ենք, թե երբ պետք է կանգ առնել, որպեսզի չվնասենք շրջակա այլ հյուսվածքներ և չառաջացնենք նոր նյարդաբանական խանգարումներ։ Այս միջամտությունն ունի իր առավելությունը, քանի որ հիվանդը արթուն է, և մենք անմիջապես տեսնում ենք էֆեկտը, միջամտության դրական արդյունքը։ Հիվանդի դողը միանգամից պակասում է, և մենք վերահսկում ենք ընթացքը։ ՏԵՔՍՏ------ Վիրահատարանում աշխատում է նյարդավիրաբույժների, նյարդաբանների և անեսթեզիոլոգների թիմը: Վիրաբուժական միջամտությանը զուգահեռ հատուկ վերապատրաստված նյարդաբաններն ամբողջ ընթացքում հետևում են գլխուղեղի ստիմուլյացիային ի պատասխան պացիենտի վերջույթների ռեակցիաներին, վերահսկում նրա խոսքը և ուղեղային այլ ֆունկցիաներ: Վիրահատությունն ընթանում է ոչ թե ընդհանուր, այլ տեղային անզգայացումով: ՍԻՆԽՐՈՆ-----Նիկո Արզումանյան----- Չնայած այն հանգամանքին, որ միջամտությունն ընթանում է արթուն վիճակում և հիվանդը ընդհանուր անզգայացում չի ստանում, հիվանդի համար այն լուրջ դիսկոմֆորտ չի առաջացնում,քանի որ գլխի մաշկը նախապես տեղային անզգայացնողներով անզգայացվումէ և և գանգոսկրի վրա իրականացվում է շատ փոքրիկ անցք` համապատասխան գործիքների օգնությամբ, և հիվանդները երբեք չեն բողոքում նշված միջամտությունը արթուն իրականացնելուց: ՏԵՔՍՏ------Բժիշկը հավելում է, որ այս վիրահատությունը ցուցված է առավելապես ձեռքերի և ոտքերի անկառավարելի դողով Պարկինսոնի հիվանդություն և էսենցիալ դող ունեցող պացինետներին: Բայց կան որոշակի սահմանափակումներ, ոչ բոլոր հիվանդներին է այն առաջարկվում: Պարկինսոնի հիվանդության շատ բարդացած դեպքերում ցուցված է մեկ այլ միջամտություն՝ գլխուղեղի խորանիստ ստիմուլյացիա, որը ևս նյարդավիրաբույժներ Սևակ Բադալյանն ու Նիկո Արզումայանը հաջողությամբ կատարում են «Արաբկիր» բժշկական համալիրում:  

«Մանկական մաշկաբանություն և ալերգոլոգիա. համընկնող և հակասական օղակներ» թեմայով միջմասնագիտական կոնֆերանս է տեղի ունեցել ապրիլի 6-ին, որին մասնակցել է շուրջ 130 մասնագետ Երևանից և մարզերից:   Բանախոսությամբ հանդես են եկել «Արաբկիր» բժշկական համալիրի և այլ բժշկական հաստատությունների մաշկաբաններ ու ալերգոլոգներ: Թեմաները նվիրված են եղել ատոպիկ մաշկաբորբին, դեղորայքային ալերգիաներին, սուր եղնջացանին, կոնտակտային մաշկաբորբին և ավելի հազվադեպ հանդիպող մաշկախտների:   Նախաձեռնությունը Մանկական մաշկաբանության հայկական ասոցիացիայինն էր, որը նախագահում է «Արաբկիր» ԲՀ մաշկաբանական ծառայության ղեկավար Արմինե Ադիլխանյանը:

Պրոֆեսոր Աշոտ Սարգսյանը` միզաքարերի և դրանց բաղադրությունը հետազոտելու կարևորության մասին` #OPENFamilyEducation-ի` ծնողներին ուղղված խորհուրդների շարքով:      

Աուտիզմի օրվա առիթով լսեք մեր զարգացման մանկաբույժներ Իրինա Թովմասյանի և Նվարդ Տեր֊Ոսկանյանի խորհուրդները` #OpenFamilyEducation-ի շարքից։

Ապրիլի 2. աուտիզմի մասին իրազեկման համաշխարհային օր   Այս օրը բժշկական օրացույցում առանձնացել է 2007թ-ից` ՄԱԿ-ի գլխավոր ասամբլեայի որոշմամբ: Նպատակը` խոսել և բարձրացնել հասարակության իմացությունը` աուտիզմ ունեցող մարդկանց, նրանց իրավունքների և հնարավորությունների մասին:   Այս տարի առաջին անգամ այդ մասին խոսելու են հենց իրենք` աուտիզմ ունեցող անհատներ, միջազգային ֆորումի ժամանակ ներկայացնելով իրենց փորձը` տարբեր տարածաշրջաններից: Օրվա կարգախոսն է` «Շարժվելով առաջ` գոյատևումից դեպի բարգավաճում»:   «Արաբկիր» բժշկական համալիրը աուտիզմ ունեցող երեխաների հարցերով զբաղվող առաջին կազմակերպություններից է մեր երկրում, եթե ոչ հենց ամենաառաջինը: Դեռ 90-ականների սկզբին մեր մասնագետները` «ԱրԲեՍ» առողջության կենտրոնից, վերապատրաստումներ են անցել ԱՄՆ-ում և եվրոպական երկրներում` մասնակից դառնալով մանկական վերականգնողաբանության, զարգացման մանկաբուժության և հարակից այլ ոլորտների ամենաթարմ ծրագրերով դասընթացների ու միջազգային գիտաժողովների և Հայաստան բերելով մասնագիտական այդ նորություններն ու այստեղ հիմք դնելով նոր ծառայությունների ստեղծմանը, այդ թվում և` աուտիզմի ախտորոշման, վերահսկողության ու երեխաների հետ մասնագիտացված թիմի աշխատանքի:   Կարևոր է հիշել, որ աուտիզմը, ինչպես և ցանկացած այլ խնդիր, կարող է պատահել ցանկացած մեկին, ոչ ոք ապահովագրված չէ, և տեղեկացված լինելն ու գրագետ քայլերով առաջ գնալը նման դեպքերում չափազանց կարևոր են:

«Արաբկիր» բժշկական համալիրի համահիմնադրմամբ ստեղծվել է «ԴԻՆՈ» մանկապարտեզը «Դինոն» ՀՀ ԿԳՄՍ նախարարության կողմից նախադպրոցական կրթական ծրագրի իրականացման նպատակով լիցենզավորված մանկապարտեզ է, ունի 3 խումբ. մսուր` 1,5-3, միջին` 3-5, ավագ` 5-6 տարեկանների համար: Յուրաքանչյուր խումբ նախատեսված է 15 երեխայի համար: Աշխատանքային օրերն ու ժամերը` երկուշաբթիից ուրբաթ, 08:30-ից 18:00: Բացի հիմնական կերակուրներից` երեխաներն ամեն օր ունենում են նաև մրգային և բանջարեղենային դադար` «վիտամինների ժամ»: Քունը` ժամը 13:30-ից 15:30: «ԴԻՆՈ»-յում կրթական համալիր ծրագրերից զատ գործում են նաև այլընտրանքային ծրագրեր, որոնք անընդմեջ փոփոխվում և թարմացվում են` ժամանակի պահանջներին համապատասխան: Եթե ցանկանում եք, որ Ձեր փոքրիկի առօրյան լինի հագեցած և հետաքրքիր, ապա կարող եք դիմել #դինոմանկականզարգացմանկենտրոն: Մեզ մոտ Ձեր փոքրիկը կտիրապետի գրագետ և վարժ խոսքի, օտար լեզուների, տարրական թվաբանությանն ու թվի ճանաչմանը, էթիկայի կանոններին, ինչպես նաև հնարավորություն կունենա մասնակցելու երգի, պարի, կարատեի, ամառային դպրոցի, դասապատրաստման ծրագրերի: Երևան, Վահե Վահյան 2 [email protected] +374 98 342 702 և +374 95 557 163 https://www.facebook.com/profile.php?id=100078210485841

Այսօր մարտի 26-ն է` Մանուշակագույն կամ էպիլեպսիայի մասին իրազեկման օրը: Այն առանձնացվել է էպիլեպսիա ունեցող 9-ամյա աղջնակի` Քեսիդի Մեգանի շնորհիվ, որը նամակ էր գրել մարդկանց` պատմելով էպիլեպսիայով ապրելու մասին և հորդորելով էպիլեպսիան ընկալել ոչ թե որպես դատավճիռ, այլ ընդամենը մի վիճակ, որի հետ կարելի է ապրել և որով կարելի է ապրել ճիշտ այնպես, ինչպես մյուսները: Աշխարհում 65 մլն մարդ էպիլեպսիա ունի: 50% դեպքերում պատճառներն անհայտ են լինում: Էպիլեպսիա կարող է ի հայտ գալ ցանկացած մեկի մոտ` անկախ տարիքից, սեռից, ազգությունից, բնակության վայրից ու սոցիալական կարգավիճակից: Հայաստանում էպիլեպսիա ունեցող երեխաների մեծ մասը բժշկական օգնություն և սպասարկում է ստանում «Արաբկիր» բժշկական համալիրի նյարդաբանության և էպիլեպտոլոգիայի բաժանմունքում, որին կից գործում է նաև դիսպանսեր վերահսկողության ծառայությունը: Մեր մասնագետների թիմն անում է ամեն հնարավորը հանուն պացիենտների` քայլելով ժամանակակից բժշկագիտությանը համընթաց և Հայաստան բերելով ոլորտի ախտորոշիչ, կոնսերվատիվ և վիրաբուժական նորությունները: Կարդացեք և հիշեք «Արաբկիր» ԲՀ նյարդաբանության բաժանմունքի ղեկավար Անի Գևորգյանի առանձնացրած մի քանի պարզ խորհուրդ. ինչ անել և չանել, եթե ականատես ենք լինում էպիլեպտիկ ցնցումների:

Մարտի 21-ը Դաունի համախտանիշի համաշխարհային օրն է   Բժշկական օրացույցում այս օրն առանձնացվել է 2011թ-ից` ՄԱԿ-ի գլխավոր ասամբլեայի որոշմամբ: Նպատակը` բարձրացնել հասարակության տեղեկացվածությունը Դաունի համախտանիշի մասին և բարձրաձայնել այդ համախտանիշն ունեցող մարդկանց իրավունքները: Այս տարի օրվա կարգախոսն է` «Վերջ դնել խարանին ու խտրականությանը»: Աշխարհի շատ երկներում Դաունի համախտանիշի օրվա առիթով իրականացվող ամենատարածված ֆլեշմոբը գունավոր գուլպաներով փողոց դուրս գալն ու կարծրատիպեր կոտրելն է` լինելով այնպիսին, ինչպիսին ոչ բոլորն են:   Օրվա ընտրությունը պատահական չի կատարվել` 21.03. բանն այն է, որ Դաունի համախտանիշի հիմքում մարդու 21-րդ քրոմոսոմի եռակի լինելն է. սովորաբար քրոմոսոմները լինում են երկու կրկնօրինակով, այս դեպքում դրանք երեքն են, ինչի հետևանքով քրոմոմոսոմների ընդհանուր թիվը ոչ թե 46 է լինում, այլ 47: Եվ հենց 47-րդ քրոմոսոմն էլ Դաունի համախտանիշ ունեցող մարդկանց յուրօրինակ և ճանաչելի է դարձնում:   Առողջապահության համաշխարհային կազմակերպության տվյալներով Դաունի համախտանիշով է ծնվում յուրաքանչյուր 1000 կամ 1100 երեխայից մեկը: Քանի որ այս համախտանիշը չի ճանաչում ազգություն, սեռ, մաշկի գույն, բնակության վայր կամ այլ տարբերակիչներ, հետևաբար ենթադրվում է, որ ԱՀԿ-ի նշած այդ թիվը տարածվում է բոլոր երկրների վրա, այդ թվում` Հայաստանի, որտեղ չկա հստակ վիճակագրություն Դաունի համախտանիշ ունեցող մարդկանց վերաբերյալ:   Մեր երկրում գործում են Դաունի համախտանիշ ունեցող երեխաների և մեծերի հարցերով զբաղվող հասարակական կազմակերպություններ, որոնք նպատակ ունեն նպաստել նրանց ներառմանը, կարողությունների զարգացմանն և իրավունքների պաշտպանությանը: Իսկ բժիշկները, նրանց մեջ և «Արաբկիր» բժշկական համալիրի մասնագետները, իմանալով Դաունի համախտանիշի բժշկական կողմերը, օրինակ, հակվածություն սրտային, շնչառական, լսողական և մարսողական խնդիրների նկատմամաբ, Դաունի համախտանիշ ունեցող մարդկանց ուշադրության կենտրոնում են պահում` ելնելով հենց այս կետերից և, իհարկե, վերականգնողական աջակցությունից` զարգացնելով նրանց ֆիզիկական հմտությունները:   #ԴաունիՀամախտանիշիՀամաշխարհայիՕր #WorldDownSyndromeDay #ԱրաբկիրԲՀ #ArabkirMC

«Արաբկիր» բժշկական համալիրն աշխատանքի է հրավիրում ճառագայթային ախտորոշիչ ծառայության ռենտգեն-տեխնիկի: Մանրամասների համար զանգել 015 400 300 և ներքին` 11 75: Ինքնակենսագրականն ուղարկել [email protected] հասցեին:

Շարունակում ենք ներկայացնել մեր բժիշկների խորհուրդները ծնողներին` #OPENFamilyEducation -ի շրջանակում:   Լսեք մեր ամենափոքրիկների` մինչև մեկ տարեկանների բաժանմունքի բժիշկներից Սերինե Մաթևոսյանի խորհուրդները` ռեսպիրատոր-սինցիտիալ վիրուսի դեպքում ճիշտ գործողությունների մասին. ինչ կարելի է անել տանը, և ինչ` ոչ, ինչպես օգնել երեխային` հաղթահարելու վիրուսից առաջ եկած խնդիրները և երբ է, որ հարկավոր է շտապ դիմել բժշկի: https://www.facebook.com/reel/1055688485464345